2009/7/6 goodman

this article will be written in english
because it's about a legendary person---pH

ok, let's get started
after playing in UFO and eating dinner with cheap
i went to ph's home to fix his computer
but failed

no matter whose computer, wansum's or chans', was down
i could repair successfully automatically with unknown reason
that's true
i don't really think i'm a skillful person in this area
but i always succeed for many times

i thought of the reason
and the answer is: pH is not a girl
it implies that i can't be a goodman
so that i can't use my potential ability this time
i think it's very reasonable
the examples i listed above are all female
it proves that goodmen are really persons who can fix computer better
and, what's more import, i am a goodman
i'm no use in front of male


and something about her

i'm glad to see that she did my friend quiz in facebook
and get a quite good result
did she understand what means by the last question?
by the way, is she happy in mainland with my ndsl?
does she remember me?
well... she may not
but i hope yes
i don't know the answer
but i enjoy staying in my own dream
until it comes true
so, i won't go to find the answer
instead, i'll wait for it, and her

2009/7/6 勇者鬥狂神

本來今日只係想記下琴晚何朗o黎o左我屋企瞓
不過o左發生咁o既事
想唔講下都唔得

話說o係我地o既小學時代
突然出現一隻game叫「勇者鬥狂神」
可能一隻game你會覺得冇咩特別
特別就特別在佢o係o個時o黎講
無論聲、影、圖都好靚
而且擁有一個好完美o既故事
又有好gur o既流程
可以話同天地創造互相輝映

故事大約係講述一個年輕人出生於小村落
一次機緣巧合下
被一個賢士發現佢體內o既potential
帶o左去魔法都市修練
呢位賢士就成為o左主角o既老師
學習魔法
跟住中間唔記得發生咩事...
總之個老師受到力量o既誘惑
最終走火入魔
主角一團人就要阻止佢o既惡行
呢個世界o既魔法主要係靠乙醚發動
而主角o既老師更用乙醚製造o左兩個人型生命體
其中一個就係女主角
另一個就係女主角個妹
亦係佢o既死對頭
最後當然要大義滅親
殺o左自己o既「爸爸」同「妹妹」

玩法其實我會話同曹操傳差唔多
唔使自己行
只需要戰鬥
控制自己o既隊門
達成每一關o既目標

印象比較深刻o既係去到後期
當你有一團隊友o既時候
突然有一關俾你入到皇城o既寶物庫
全隊人突然upgrade晒d equipment
唯獨是女主角冇
其實唔係冇o既...只係寶物數目有限
你只可以選擇主角隻寵物或女主角
當時我同何朗選擇o左俾隻寵
因為隻寵跟係跟o左我地咁耐都冇乜進步
諗住加強佢先
點知真係勁o左好多
由原本踢3下變o左踢4下
所有能力都up 晒
即刻變為可靠o既主力之一
覺得女主角冇得up好慘?
點知過幾關
發生事件
女主角變埋身
重識飛
又勁o左
從此成隊都冇廢人

其實於我而言
勇者鬥狂神o既意義係因為以前得何朗打
我睇佢打
變o左中間有好多劇情都miss o左
最後個結局都唔知有冇睇到
今次我想跟返個劇情追
了結心願
咁o岩前幾年何朗都想玩返
於是上網搵
搵o左好幾年
只係搵到一堆唔知點處理o既files
始終開唔到
今次終於俾我地兩個搵到
重成功開到
我地即刻好似加士伯個廣告咁大嗌
嗌o左好耐
然後數返
我地原來已經冇見隻game 9年
立刻gimme 5 9次
如果話擊掌3次係斷六親
我地都斷o左18親
情緒高漲　士氣激昂
急不及待玩o左3關
可惜歲月不留人
要去何朗到整機+食飯
就始暫別

可惜聽日何朗要返cu
如果唔係一定一齊煲
呵~我聽日要煲住先啦~11

2009/7/1 第廿一屆遊戲王唔知甚麼叉世界大賽---香港預賽

今朝真係唔係人咁品
校o左鬧鐘5點響
竟然5:20都起到身
5:4x上到273a返屋企換鞋同放低條褲
6:1x上278x出去
7:0x落車行過去
7:2x去到....荃灣愉景新城


全日都熱到趴街
主要原因係我地7點半就o係o個到集合
但成個商場都好似未開咁
所以冇開中央冷氣
到開始比賽
又開晒所有射燈(2xxW/燈)
重要我地著住mani件風褸
重要一定要我地拉埋拉鏈...
唔知咩道理=.="

再次感受到有靚女陪同工作係高效率同高士氣d
總係想o係靚女面前耀武揚威一番
今次有位叫kiko o既mani同事
之前都冇見過
係今次公司唔知咩事隆重其事
搵o左20個staff出o黎...
先見到佢一面
雖然佢個妝好似濃o左d
不過紮辮真係幾可愛
大家都知玩遊戲王佔o左99%都係男性
玩遊戲王o既女性入面有99%都係唔多好樣
呀...講開又講
上次返工見到有個女仔都幾靚
不過佢用bf
唔係主流個bf
而係真係boy-friend個bf
冇錯....佢係一個港女
而今日下午都o係比賽場地見到佢
well...不願置評anymore

大亂鬥真係如期咁亂..
今次諗住有十幾條友睇住
應該輕鬆d
但唔知點解我一個人要守差唔多6張枱-.-"
有時又有人問問題
撲o黎撲去
跑餐懵
要去到下晝64強先有得hea少少

64強入面
代表我地北區o既有馮穎邦、黃蓉、德誠同基哥
肥邦最慘...
第一鋪就對住大恆(陸志恆....上屆冠軍)
第三定第四鋪又遇上小恆(黃蓉現任男友)
早知不妙
我一直要睇場
尤其大老細o係到
唔可以走o黎走去
所以冇問到黃蓉o既情況
但見佢走唔到上o黎
應該頭兩三場都輸o左
德誠就打得幾好
不過話被十九哥縮一縮規
就輸o左唔夠上8強

另外比較大鑊o既係第一場
近衛薰vs余沛桁
(貓僧) (超能)
第一場第一盤就吵大鑊
貓會set完o野過turn
超能o個邊就做做做做做
本來都好正常
但係近衛薰一向出名轉找錯處
係捉人地d無聊o野犯規
聞說可以話人地奧金出o黎冇講上coin
都要記人地一個warning...
今次都冇例外..
擺明要撩起對面把火
加上余沛桁出名性急
近衛薰竟然對余沛桁話:「你係咁做你做飽佢啦! 唔使玩啦! 都唔係同我玩卡o既!」
跟住坐埋一邊唔望佢
余沛桁又真係係咁做係咁做
做到出o左冰結界、工具龍等等 等turnkill o既卡
佢先舉手叫judge
話佢做得太快乜都唔情楚...
嘈到兩面都爆晒粗火都o黎埋踢夾凳離埋場
經過一輪勸說之後
近衛薰話唔玩自動棄權
就判o左余沛桁2:1贏
但之後佢又有繼續打喎
你話係唔係真係撩交打....

去到8強淘汰賽
再hea d
我地可以坐住睇佢地打
真開心
不過唔知咩事
由呢刻開始特別多電話搵我
尤其去到4強
wansum突然打電話o黎=0="
嚇死我
以為有咩變掛
但有d諗會唔會係佢細佬搵我-_-"
心中猶疑不決
坐唔安睇唔落
計計下lp都hang o左機
於是借尿遁覆一覆電話
原來真係佢搵我~
問我有關jupas 轉choice d o野..
順便吹多兩句水
不過偷雞地講又收得唔好
講講下又聽到d人拍手掌就知道打完
唯有快快講多兩句就收o左線...
真係好唔捨得....
原來佢有個fd 咁o岩今日o黎呢到見工
見到有遊戲王大賽
佢都估我會唔會返緊工
佢重話嫌遠所以冇o黎到....
如果唔係佢今日可能變o左o黎探我班..
或者睇下我做judge.....
夢想差d成真
不過算啦...
今晚7點幾8點先遠...
佢都冇咁好耐性等

然後返到o黎...個大老細無聊得濟
要先打季軍戰
再將冠軍戰壓續
懶型咁....
變相我地打多o左成個鐘
好神奇地
我竟然冇覺得眼瞓
另外o個兩個judge已經烏眉瞌睡
但唔知點解我上司同上司個上司
o係決賽o個場都叫我出返去
由佢地兩個睇
我重驚係唔係我做錯d 咩.....
幾驚好似咁晚擔心咁俾人鬧......
還好最後都唔係

今屆又有新人爆冷
其實有上dm都識佢o既
只係歷界冇咩戰績
冠軍係Kaisor
亞軍係阿禮(k社店長)
季軍係林偉文(又係冇咩過往成績...但8強打低o左叻陳...季軍戰贏埋江子興[沁暖])

另外今日好特別o既地方係...
搞cosplay....
有4個參賽者
一個天上院明日香(肥版)
一個clow(肥女版)
一個龍亞(女版)
一個龍可(冇咩特別....但就係唔似...太細)
結果clow贏o左
講真...唔知係唔係konami o既model
好識擺姿態影相

完場後去o左食飯
去聯邦大酒樓食飯...
d o野都ok
不過冇叫到白飯,..
又...公司開數我地細o既又唔敢出聲
食完都唔多飽
總算可以頂到肚咁啦
然後同大輝(head judge)一齊坐地鐵回家
途中都分享o左一d判例o既心得...
希望第日有助更上一層樓
不過...都係$30/hr o者-.-"

對住平日只會留o係星光行做o野
我地judge唔多會見到o既mani同事
同出面打開deck
唔會走入o黎北區o既人
真係可以大嗌一聲:

「下屆見！」

2009/7/1 忍(しのぶ)

塞翁失馬　焉知非福
相反
你得到一d o野...
可能代表住一個禍o既來臨....

wansum講o左會入cu ifaa
俾我恨到佢入中大
我實際上又可以得到d咩呢?
而我又可以做多d咩呢??
期望佢會同我一齊返屋企?
期望同佢一齊遊中大?
見面o既機會多o左..
可能反而覺得成日都唔自然..
而且...更多機會令自己食檸檬
幾咁冇癮-_-"

聽日就係第廿一屆大賽
我依家o係格仔屋企過夜...
真係唔知聽日可唔可以盡時到...
希望聽日唔會被人鬧啦=.="
講到有兩個大老細o黎睇咁誇張..

p.s. 亞子加油呀~我叫小d照住你~11

2009/6/28 武(たける)

想起「武」這個人

就要提到「 この醜くも美しい世界」

一套淒美又感人o既動畫
雖然很黃很暴力
但仍然值得推薦
(也許有人聽到「很黃」會更感興趣)

男主角一次遇然o既機會之下
俾佢見到心目中虛構o既女神
竟然赤裸裸地出現o係一個森林入面
重要俾佢發現到
咩知咩事
心生憐愛
誓必保護表面柔弱o既女主角
但自問一個普通人究竟點樣可以幫到佢呢?
幫佢打退來襲o既怪物??
然後重可以做d咩呢??

呢個問題我都好苦惱
試問一個好人除o左做好人重有冇機會出場呢?
呢幾晚
夜夜不能眠
呆呆地呆坐到凌晨
忽覺時候不早
便自動走上床
然後卧著卧著
卧在下格床
眼光光地
看著上格床的底部
看著電話座的藍光
與webcam的白光
光線縱橫交錯
聽著晨曦的小鳥
與轉動的風扇葉
聲音和唱合奏
不知想甚麼
但合上眼不消兩秒
又要打開
一樣的procedure
在時光中重複又重複
難怪個個都話我睇落咁攰-.-"
當我行入廁所照到塊鏡
我都爭d嚇親
究竟邊個呢埋o係廁所?!?

前兩日同阿kent 討論「最中意o既人唔中意自己最心痛」o既問題
佢提出應該自己最中意o既人最中意o既人唔中意佢先係最心痛
今日回家路上一直都諗緊
其實究竟最中意o既人唔中意自己心痛d
定係自己最中意o既人最中意o既人唔中意佢心痛d
事實上係好難定奪
但我自問唔係咁偉大
我中意o既人唔中意我
我真係覺得好心痛
即使做到幾多o野
你為佢做咁多事
即使辛苦你都會好開心
但問題你o既開心唔可以對佢分享
因為佢中意o既人唔係你
根本唔可能感受到你為佢做o野有幾開心
但係你最中意o既人最中意o既人唔中意佢
你都明白o個種感受
你可以同佢分享、分擔o既時候
我覺得你已經好幸福

當然....你最中意o既人唔中意你
而佢最中意o既人又中意佢o既時候
你仍然會為佢得到最大快樂而感到高興
但係為佢笑o既背後
究竟又埋藏o左幾多淚水
啞子食黃蓮　有苦自己知
啞o既人食到苦, 想講, 都重話係不能也非不為也
好o既人慘到死, 想講, 講到但又唔俾講o個下心酸


好人們　還是請各位自討苦吃

2009/6/27 雨の中の幸運女神

第一樣想講o既係...
從今以後真係要學識坐言起行
前兩日本來想打o既日記都唔記得o左要講d 咩...
深感可惜

講返正題
我相信我都講過不下十次
呢個title 點得o黎都唔講啦
不過近日落雨頻頻
無意中回想起呢d「童年往事」
不得不一再提及「淋雨」呢種癖好
亦不得不再次強調我非常喜歡雨天

但係今日搭車返o黎o既時候就諗
哎呀...我做咩唔行返去呢??
算啦..反正佢都唔o係香港..
再淋都冇意思...
或者...佢就算o係香港都冇咩意思
由此看出自己一直都感情用事
完全忽略身邊環境o既轉變
膚淺


也許
重今以後都唔應該淋雨


當局者迷
唔淋雨又係咪感情用事呢?

2009/6/21 光(ひかり)

well...
唔覺唔覺又成個星期冇打日記
大家有冇掛住我呢??

今晚上網好慢
變o左好多o野都唔多郁到
又冇咩興趣睇幾份長長o既doc...
仍然咩都唔想做...
明明射藝會o既o野已經殺到埋身
我重要避到幾時??
我...老實說
我都唔想避
如果可以o既話
我寧願所有莊員一齊行出o左ban 走我
雖然wansum講過好在我冇走
因為佢認為唔應該咁易放棄
應承得上莊就應該做好佢
但係我覺得我遲早會痴線
成支莊都唔係莊o黎o既....
講錯我又唔可以話係邊個錯
又或者大家都有錯
大家都自私
為自己o既學業, 為自己o既自由, 為自己o既利益
都將莊務擺到去好後好後
其實就好似細o咁..
過後根本冇聯絡...
唔得...呢個暑假一定要搞清楚
或去或留都要有個結論



星期一
返o左甲寅監考
亦係今期唯一一日
因為唔知咩事甲寅請少o左
定係阿cheap同佢老婆返多o左呢??
不過都唔緊要啦..
反正都外判o左俾阿cheap
工頭話返幾多日就幾多日啦..

今次好唔同o既地方係
監低form
低到係f1-0-
不過都好
有f1 maths 監
幾好玩
d f1如王sir講好乖
或者真係未識壞啦
輕輕鬆鬆地監

中午幫國偉搬o左陣書
又同國偉食lunch
佢竟然唔請...24
下次再夾埋miss man 屈佢啦

夜晚出o左巴西燒烤食

仍然受何朗o既gag氣影響
大家一同尋找haha-point
頂佢唔順=.="



星期二
訓練班最後一日
個天竟然重未肯落雨
正正常常咁過去
搞o左一場友誼賽
但係我, 阿kent同andy三個射18m..
其他人射10m...
雖然我係初級組
自問對18都好有信心
但係就因為器材o既問題
我連sight都冇攞o既情況下就射
結果都有第四名...正中間
真係恰新手-.-"
咁o既比賽..唔知重可以搞幾多次

呢日係格仔返o黎o既大日子
不過事實上佢班機delay o左
11:35到埗
12點幾先出到o黎機場..-_-"



星期三
呢個晚上我正睇返幾集5ds同第11集戰場
當我點幾鐘一睇完o既一刻
竟然見到格仔o岩o岩叫我
實在太神奇
吹o左陣水
然後瞓覺

原本諗住成日幫紀思清小妹妹補習
點知佢條o靚仔竟然話要食飯要溫is要呢樣要o個樣
最後推我推到兩點先開始
故走落上水搵羅偉食o野
明知會遲
就要佢等下
食食下佢問去邊到補
其實我唔expect第二度
只係諗住返蔚翠
不過難得佢無端端問我邊到
咁我就順水推舟叫佢過o黎上水
最後去o左羅偉到補o左兩個半鐘
就出o左去搵格仔食tea
食完去o左game 88到射o左陣籃球
hea夠返歸



星期四
約定o左好耐o既玩樂日
out of expectation o既係
我竟然係最早o個個去到粉火1
去o左冇幾耐
誠哥o黎o左問我拎鎖匙
然後竟然係去游水....
當然o既銅鳥歌神唔去大展歌喉真係可惜...
跟住打俾格仔講極都聽唔到
以為佢o係屋企
都好...只係個電話局部地區性失靈
唔夠兩分鐘都到o左
又搵埋fk
最後打俾亞子
竟然平時應該最準時o既人
因為記錯時間所以冇預備到出o黎....=.="
嚇死格仔以為佢唔到
咁由於等女仔係一個好time consuming o既action
所以我地先行一步出mk 搵fk嫂希雯(始終比較prefer叫英文名~"~)

出到mk
我地先去開房
途中

有好大個阿sa~
唉...被格仔fake o左
以為佢會帶住我一齊唱
點知點o左隻佢識o既歌之後竟然係得我唱...
好在我o係老豆唔o係屋企o個排自己有嗌過下o者...
如果唔係真係失禮死人../.\
(雖然難保我依家冇失禮-.-")
唱唱下亞子都趕到
開始慢慢玩得興起
不過時間又夠了
真係可惜
最慘o既係..
我被個冷氣吹親-_-"
加上密閉空間...
鼻敏感又發作..
走o既時候又見到阿gill~
不過格仔冇我咁好氣,..
但係又見到twins~
又影o左幅相~11


然後去模型街陪格仔買油
又去o左銀行中心「商場」影貼紙相
又join埋誠哥(記住啦~係商場唔係寫字樓呀~@@)
但係亞子就要走lu..
then 上o左旺角電腦商場
幫妹妹睇下部n120幾錢
雖然冇我本身講3500咁平..
不過就如我所料你企o係部機前面佢實會減俾你-_-"
順便幫wansum大人幫佢上司買4gb手指
真係太耐冇買..
原來依家d 4gb手指平到咁離譜=.="
竟然係3個位都去唔到o既價錢...
想當年我想買隻1gb都要舊幾兩舊
依家真係平到買o黎掉都得
等我得閒都去買返隻先
1gb愈o黎愈覺得唔夠用...
以前d人辛辛苦苦將war3縮到1gb內帶返學校打
依家唔zip 都得=.="

然後就去新之城樓下o既機鋪到銷錢
諗住羅偉都係o係屋企打緊機
費事又話阻住佢
出o黎又有百萬個唔想
等佢打飽自己走出o黎好過
點知打o左個幾兩個鐘都冇電話到-.-"
直到6:38我睇一睇個鐘
都唔知叫唔叫佢出o黎好
跟住好似誠哥搵o左佢
由於時間o既關係
都係不o黎為妙
咪我地走佢都未食o野
於是我地一行7人
包括我、格仔、誠哥、fk、emily、希雯、格仔堂哥
浩浩蕩蕩咁去青葉進餐
可惜受到傷風o既煎熬
食得唔算多
包雲吞重多

初頭格仔重擔心佢堂哥睇唔名中文
唔識叫o野食
還好d紙仔有日文!!
佢堂哥唔使驚睇唔明啦-_-"
虛驚一場
又...中途emily問起我地講緊咩game
跟住格仔話:「呢~隻豬呀」
emily:「下?講豬o架隻game?」
我同格仔:「係呀~飛天少女豬事丁呀」
跟住我竟然重唱得出幾句隻主題曲..
全場笑了
跟住就唔知點解變o左講卡通片主題曲..
我就偏偏o係呢個時候唔記得四驅兄弟隻片尾曲
如果唔係我都想唱下..
食完之後..
大家都回歸
唔知咩事個個都頹晒
趕住返屋企休息
行去火車站o既途中好似唔見o左我上一篇show 俾大家睇個牌,..
唉...唔知o係邊到唔見o左..
好灰...
不過算啦...
o個個牌真係好求其..
下次整塊靚d o既再送俾wansum!

聽誠哥講佢地本來想去揸車
但係返到上水
去到game88發現被差人封完場o黎
乜機都冇開
去另一間
兩部灣岸又壞o左
因此掃興而歸



星期五
約o左誠哥12點幾o係粉火1等
好準時1點去到city can 開會
幾好
每次開會都覺得係一次成長o既經驗
總有d o野學

開完會跟大隊去foodcourt食tea
坐低o左一排
佢地o係到食緊o野o既時候
竟然收到wansum大人o既電話@@!?
不過一聽係佢細佬...
都好..係wansum大人想問我攞隻4gb usb
無奈我當時唔o係屋企
俾唔到佢
唯有拉大隊返屋企
然後拎俾佢,...細佬

收到wansum大人o既電話
就知佢返o左o黎香港
佢之前交帶落去辦o既事已經刻不容緩
因此返到屋企立刻開工整份o野
還好之前已經搵定晒d 資料
發現只需要copy & paste
基本上已經可以完工
諗住問佢少少o野
可以博同佢傾緊計...
點知佢話做緊o野...
唯有講完快快收線啦...
第二日先算



星期六
呢日預o左俾wansum
either整埋份o野or幫佢整下部機
因為前一晚趕工已經完成
呢日就上去幫佢整機
初頭重諗住會幾odd
不過好彩佢成家人都見過我..
男o既都幾傾得下
佢個妹o既笑容都好親切
放低o左陌生o既感覺

一上到去
發現佢表弟同佢細佬竟然用nds連線打緊馬車
我其實都幾想玩~_~
不過做正經o野要緊..
檢查完
發現佢個火牛或mb有事
知道整唔到
就同佢兩個細路玩....-_-"

冇幾耐wansum同佢阿媽都一齊返o左o黎
(呀...被佢見住我打機算唔算有罪?)
終於見到你啦~_~!好感動!
但係人地全家人o係到,....
唔係跟住wansum行出行入咁張揚呀...
唯有得閒偷望兩眼啦..-_-"
跟住找埋隻usb o既錢就散水
諗住再博講多兩句
就叫佢收我個file
點知佢叫我send 去email 就ok..
咁就諗住冇望啦
帶住一個開心但帶點失望o既心情離開
call阿cheap 一齊過太空船玩陣

哈~又真係估你唔到
無端端收到wansum o既電話
打o黎問我o係唔o係屋企
嚇親我
我以為有咩要搵我但我唔o係身邊添...
原來估我係返緊工....
(希望唔係真係要搵我做d咩...如果唔係我一定會自責)
因為佢行緊出火車站返緊大陸
冇咩做
所以打個電話俾我吹水呀~0~
借問有史以o黎第幾次
會搵我傾閒計...|||
深感興奮
對住佢..我難免緊張得濟..
真係成日都唔知要講乜=.="
依家諗起其實o個時有好多o野可以講
但總係醒唔起...|||
還好啦..送到佢到羅湖
要過關...所以收線lu
唔知幾時再有機會呢~_~??
繼續發下夢啦..
我諗都有d 機會o既....



今日
今朝同平日返工有d 唔同
因為朝早要開會
商議一下1/7大賽o既細節
又係一個學習o既過程
其實開會真係可以好輕鬆...
幾條友坐埋一枱講下講下
好似吹水咁又講晒d細節
然後問大輝(比較大o個個judge)
咁呢兩個鐘開會有冇錢收?
大輝:「梗係計錢啦!」
o~咁我安心囉
真係抵玩-_-"
又...因為開會開遲o左
直接同寶寶o個邊講唔去搞比賽
o~咁又慳埋d車錢同時間
留o係k社同大頭小恆阿禮吹水
呵呵~大頭重讚我口碑好
幾中意我做judge~0~
話brian o個邊口碑差d...
意思係..有黑商作業...
難道佢o個邊...真係山高皇帝遠?
真係咁黑暗..?
佢o個邊點到好啦...
我覺得呢份工真係抵我中意
我都覺得份工中意我~哈

又...今日見識過阿禮副二重..
雖然冇咩抽牌o既卡
但賺牌差賺到笑...
見到佢落o左張big bang(+400攻穿心, 此卡離場怪獸out game)
覺得o o左嘴
點解會落呢?
佢答:「哼~唔用落都唔知道佢勁!」
「我有隻1900攻, 裝落你隻星塵龍到呀」
「我二召1900攻, 掉o左隻裝備, out走星塵, 炸你一張卡呀, 有冇o野做?」
o...只能說我輸了

又討論o左下pack 命運女神準備點屈機

近排k社好多人都嘈緊兩樣o野
1. 高儀限一o黎托? 依家出張儀式準備, 咪即係otk, 限o黎有屁用咩
2. 哼!你增援限一但係光道增援限三, 咩意思?

我的看法:
1. 咁...儀式準備係通常魔法..冇咁易拎上手嘛...
2. 呀...咁同劍鬥訓練所一樣o者, 跟據上年o既經驗係...增援跟住解限囉..-0-'

下晏如常返工
夜晚同老豆去o左彩園食小菜


等o左兩日...你重未有回覆
真係多得你那個IT尖子姑丈...
我好擔心份o野未夠資料
你快d答覆我啦...

又...唔知你會唔會當o個封信係一張墊底紙呢...?







P.S. I love you

2009/6/14 龍(りゅう)

今日照常返工

諗起...每星期返工
都要經過你驚到唔敢去o既尖沙咀
究竟你重有冇o個種陰影-0-?
唔知幾時會有機會帶你去我返工o既地方
睇下我點做一個
一人之下萬人之上o既judge? (發下夢先~)

或者有人會覺得我好冇大志
好多人都話寧願返份正正經經o既工
賺多d o既收入
要養妻活兒
但我以呢份工自豪
試問有幾多人返工好似阿cheap返大學咁
一個星期放假多過返工
唔使睇上頭面色
唔使睇客仔面色
整個場合都可以話晒事
而又唔使bear any risks?
大時大節有飯局
要是我肯去賣卡
我相信淨係拎d 銀包去賣
每個星期重可以賺多幾百
我相信..身為朋友o既你都會支持我吧?

本來今日想剪個頭髮
但手頭緊
又懶
都係冇剪到

今晚同妹妹傾o左ok耐
上一次已經係半年前o既事
就係上次甲寅考試前o個排
一係見到佢忙碌
一係見唔到佢online
搞到我都唔敢打搞佢
難得今日佢搵我
真係高興
common interest 還是電腦居多?
繼你之後o既一個29分o既人
同你一樣想讀ust o既人
同你一樣想讀qfn o既人
依家佢都開始向住中大出發
唔知你又係唔係會o黎中大讀呢?
o係希望妹妹入o黎讀o既同時
我更想你可以o係我身邊出現


呢排o係呢到說得太多傻話
不過睇馬浚偉做碧血鹽梟
對其他人講佢已有心上人
其實未嘗唔係一件幸福o既賞心樂事
(極重鼻音)哼~